通常睇警匪片，都會有一幕男主角發現有人入屋開槍，跟住立即由梳化彈起成米高，之後跳到梳化之後避子彈。外國的梳化結構如何我未必知，但如果以香港平常見到的梳化，好多都是棉花木板，要用來檔子彈，死十次都唔掂！不過，最近蘇格蘭的 Osdin Shield 就開發一種防彈梳化，甚至連 AK-47 都打唔穿，用梳化擋子彈一定擋得到。
要令到張梳化擋到子彈，首先當然要由物料入手，主要在一層高級的布料之下，加上一層防彈的夾層，而這個夾層亦經過測試，可擋到 AK-47 子彈先付合標準。而由於防彈層已經佔據成張梳化用料四成以上，所以價錢亦都唔平，一套的價格定為 5 萬英磅（約 54 萬港元），價錢都幾貴，如果只因為貪型，應該都唔會買。
