拍新 CM 忽然響朵高畑充希被捧到上天

日本女星高畑充希雖然唔算係咩巨星，但勝在樣子甜美兼人緣好，所以都算工作不斷，但係拍親劇都係做埋啲二打六，再唔係就係人哋阿妹。

日前，佢就為「かんぽ生命保険」拍咗輯廣告，無筆直到要親身演繹埋廣告主題曲。結果廣告一出，立即被 N 咁多個觀眾驚為天人，超讚佢原來唱功勁掂，先發現原來首歌係由椎名林檎出品，話椎名林檎出晒名玩超高音，點知高畑都駕馭得綽綽有如。之後，班網民仲極速幫高畑起底，原來高畑演咗好多套舞台劇，仲以「みつき」（充希日文拼音）進行歌手活動，連黑木瞳都讚高畑是「背負日本音樂劇界的逸才」。據知，該廣告已火速登上日本廣告頭五位，有評論仲話佢勢必成為下一代廣告女王，差極都係廣告歌女王喎，真係捧到上宇宙喇！