日本嘅《國民的美少女》選舉被稱為日本女星嘅搖籃絕對實至名歸，咁多年嚟前前後後出咗幾多演藝界一姐真係數到數唔清，遠嘅有佐藤藍子、米倉涼子、原幹惠、上戶彩，近有忽那汐里、剛力彩芽、武井咲等等等等，總之國民出品，絕對係信心嘅保證。 井頭愛海
喺 2012 年贏過審査員特別賞嘅井頭愛海，雖然得獎後好似消失咗咁，不過其實佢一直都喺女團 X21 嘅主力，呢個組合係國民美少女必經階段，期間，井頭都有拍咗幾套劇。最近就獲邀成為今個夏天甲子園嘅海報模特兒，今日就率先舉行咗發布會，會上井頭就話會以不輸前輩嘅氣勢，好好咁擔任代言人。咦？咪住，14 歲嘅井頭嗰樣好似真係幼齒咗少少喎，但係，甲子園、夏天同美少女，幾乎有齊晒年輕人至愛嘅原素，就算唔係蘿莉控，都唔好錯過，隨時爆個新星都話唔定。
來源：TV Tokyo
