日本超超超長壽特輯片《幪面超人》近年雖然被批收視唔掂，但鬧得愈金，班演員拍完出嚟星途就愈平坦，好似被喻為史上最弱嘅「電王」男主角佐藤健，而家已貴為一線男星，再講，個造型被人鬧到爆嘅「Fourze」福士蒼汰，以超新星嚟形容簡直係侮辱咗佢。
但勢估唔到，呢條 Formula 用喺班行行企企嘅女角都 Work ，好似同係「Fourze」出身嘅清水富美加，拍完幪面超人後，雖然未算大紅大紫，但點都算片約不絕，日前電視台仲公布佢會參演四月套《世界一難しい恋》（世界最難的愛情），飾演主角大野智的初戀情人，今次真係上位有望。
來源：Sports Hochi
