香港就算紅色暴雨都要返工返學，就算著住雨䄛拎住遮，對鞋都隨時入水，有好同事好同學，唔介意有異味，當然可以除鞋等乾，但太長時間，都總會影響到人。日本就有公司發明小型流動乾鞋機，而且體積相當輕，而且只要三個小時，以體積而言，都算有效率。
這個乾鞋機在 Thanko 已經有得賣，使用時只要夾在鞋帶位就用得，而電方面就插USB取電。體積只有 110 x 50 x 45mm ，重量亦只有 61g ，隨身帶住都唔重。現時這款產品已經在網站發售，定價 3,480 日元（約 $242 ），並不算貴。
來源：Thanko
