在現今的社會，做事講求效率，就以手機遊戲為例，開發三年都算長，最好可以一至兩年間完成兼推出市面，之後慢慢改善就最好。不過，竟然有人開發隻 game 花了 24 年時間，最近才正式發售。不過，開發時間長，並不代表質素好，因為隻 game 好明顯追唔上時代….. UnReal World
這隻 game 的作者，是一名叫 Enormous Elk 的人，早在 1992 年開始，便為當時電腦系統 DOS 設計這款名為《 UnReal World 》，以魔幻殺敵為主的 RPG 遊戲。不過因為不同的問題，最後無見街（估計最大問題是容量太大）。之後又考慮在 Windows 上推出，同樣因為各種問題無見街（相信都應該無人想賣這種低像素遊戲！），最後終於在今個月在網上遊戲平台 Steam 上出現（唔好嘥咪俾你上吓架囉，反正有無人玩都唔關佢事！），並於 2 月 30 日發售，售價待定。至於你有沒有興趣玩，只能講句「每個人口味唔同，有人愛食魷魚乾，亦有人鍾情肥豬肉囉。」
來源：Steam
