曾幾何時，日本女星戶田惠梨香都算得上係萬千宅男嘅女神，當時由佢飾演真人版《死神筆記》嘅MISA MISA更加係經典中嘅經典，但可惜戶田之後就衰運連連，拍親幾套劇都紅劇唔紅人，再加上疑似厭食症而暴瘦，更被嘲個樣急速老化，近年可算半紅不黑，工作量極低。
最近戶田惠梨香就拍咗套新劇《この街の命に》，搵來《SPEC》嘅老拍檔加瀨亮，扮獸醫挽救被遺棄嘅動物。日前新劇發布會上，狀況Fit到爆嘅戶田就大讚對方，話對方頭髮比當年拍《SPEC》時長咗好多，感覺好柔和，對住對方仲有啲怕醜添。之後，戶田仲連日來喺IG度自PO拍攝花絮，同啲貓貓Ckok晒賣萌，咁識Do，希望你今次能夠鹹魚翻生啦。
來源：映画.com
