智能手機電量一直唔夠用，十個港人九個都知，至於帶埋尿袋出街，更加係常識。不過，就算有尿袋，都唔一定完全解決電量問題，因為好多時尿袋充電慢，一路用一路叉，其實同無叉無分別。而最近澳洲就有人開發名為 ASAP Dash 的尿袋，指可以在 5 分鐘充滿一部 iPhone 6 ，聽落好正，但……會爆炸嗎？
如果以一般的尿袋計，這個 ASAP Dash 的尿袋，可以快高達 16 倍之多，總共花費 14 個月先做到。電量方面為 5000mAh ，雖然唔算太多，但充電次都完全無問題。至於點解可以做到快充，廠方無明確解釋，只係話申請專利，不過應該不同乎使用更高效率的配線、電子零件，提高充電電壓等，而充滿 iPhone 之說，應該是指用到 20% 至 30% 的時候充，一般完全跌到零，都應該要充 15 分鐘（官方火牛數值，亦是最快的充電時間）。
而 ASAP Dash 的電池壽命，會比一般的尿袋長 4 倍，同時可循環 1200 次使用。不過，值得一提的是這嚿電同大陸廠合作研發，信唔信得過就自己諗。現時在 Indiegogo 集資，售價方面現時最平為 89 美元（約 $694），而在 6 月就會正式在街賣。
來源：Indiegogo
