好多行業都開始發布 2015 年的銷售情況，其中手錶業就是其中之一，根據市場調查公司 Strategy Analytics 指， 2015 年第四季度中，瑞士傳統手錶的出貨量，下跌了 4.8% ，而出貨量方面，則由前年同期的 830 萬隻，下跌至上年 790 萬隻。而調查的市公司就表示，這同智能手錶出現有關，而且矛頭直指 Apple Watch ，你又認同嗎？
如果單單睇使用情況，或者你會覺得：雖然 Apple Watch 多人用，但又未至於無戴其他錶喎。好，又再提供更多數據俾你睇，首先 Apple Watch 同期的出貨量，為 510 萬隻，佔智能手錶市佔率 63% ，至於 Samsung 作為第二大智能手錶市佔率的公司，出貨量亦有 130 萬隻，亦即是單是智能手錶頭兩位，出貨量達到 640 萬隻，可以話直迫瑞士錶的 830 萬隻。當然，瑞士錶大多行貴錶數線，而智能手錶則為中低檔數線為主，但當你見到 Apple Watch 都同 Hermes 合作，對於傳統手錶，仲算唔算係一個警號？
來源：9to5Mac
