日本電影《 海街女孩日記 》又拎獎喇，噚晚兩個主角綾瀨遙同長澤正美出席《 第 70 回毎日映画コンクール 》頒獎禮。老老豆豆，佢哋拎咩獎唔係重點，事關上次拎獎，長澤正美着咗件超貼身嘅透視裝，成個「胸型」出晒嚟，成功搶晒綾瀨遙嘅風頭。所以，今次所有人焦點緊係落喺二人衣著。
可能上次輸得太慘，綾瀨今次不敢怠慢，著咗件單肩露膊裝出場，輕露下香肩。反而長澤就密實得多，一件黑色長裙搞掂。結果？長澤又再輕易取勝，不單只因長澤身高贏咗大截外，件黑色裙亦較修身，起碼望到條腰有弧度，反而綾瀨條裙勁鬆身，同大媽裝真係有得揮！真係輸到抵啦。
來源：リアルライブ
