雖然現時有好多手機 Game 可以玩，不過好多都要課金，又要 online 先玩到，如果可以用手機玩到舊的 N64 / PS1 / GBA 遊戲更好。可惜好多模擬器都一定要 JB 先用到，而最近就有一個專為 iOS 而設的 NewGamepad 的模擬器，毋須 JB 就裝到，更有 7000 幾隻 game 你玩，點可以唔裝先。
當然，這類模擬器大部分都無版權，所以一定唔會在 Apple Store 上出現。而要安裝，首先就要進入iemulators 網站，然後再選擇下方「 NewGamepad 」圖示，之後便會彈出安裝頁面，再按「install」即可。由於 app 未經過驗證，所以會有病毒、令手機系統出現問題，安裝之前要自行諗清楚。
安裝完之後，就要去設定＞一般＞描述檔與裝置管理，之後再揀「Fuzhou Jia Dian Electric Co., LTD.」，然後選選『信任「Fuzhou Jia Dian Electric Co., LTD.」』，完成後就用得。之後就可以在app內安裝不同模擬器同下載遊器，至於順暢度就視乎你用的是什麼機種而定。不過，耗電量一定會奇高，要有隨時玩到無電的心理準備。
