又到一年一度的情人節，無論是拖友還是無拍拖都的男士，都好忙，拖友嘅要買禮物準備活動，至於無拍拖，一係約女仔出街，一係就留係屋企忘我打機，將情人節三個字拋棄諸腦後。不過，只要你拍過拖，都一定要聽一聽呢首《我的Bank Account》，一定有共鳴。
其實首歌由馬來西亞創作人余畑龍之手，改編自林俊杰的《背對背擁抱》，歌手係邊個？我都唔識，要靠 Google 大神話我知，但一聽首歌入面嘅歌詞，對男士們絕對稱得上神級，道盡拍拖時候男士的辛酸，一句「credit card 還不完，情人節又到，我何嘗不想送你名牌包包，吃燭光晚餐好料（即美食咁解）」認真到肉。不過，女士們為反擊，都寫咗首《我的Bank Account》女人心聲版，女士們你又 Like 嗎？
