Nokia 手機一向都出名耐用，就算點跌點撞，都無太大問題，不過，一部手機風吹雨打 12 年，又會變成點？最近外國有一名女士，在 2004 年於自己的牧場上，不小心跌了一部 Nokia 3410 ，當時只好換機，而手機亦不了了之，但最近卻被她的員工執到，外形睇落竟然無太大變化。
睇相片可以見到，手機的鍵盤由於以軟膠製作，所以侵蝕得最利害，基本上已成塊都碎晒，至於屏幕方面，亦由於日晒雨淋而裂開老化。不過外殻的完整度相當高，亦無太大的破損，可見 Nokia 手機的耐用度。其實這個亦都正正是 Nokia 其中一個死因，部機耐用，無人換新機，點賺你錢先？
來源：Gizmodo
