哈利波特的熱潮雖然已經減退，不過，對於近似魔法的操控，以乎仍然有賣點。就以這支名為 Gestor 的棍為例，如果只看相片，相信估十日都未必估到用途，最多覺得似教學、演講用的紅外線筆。但如果我話你知，是一隻滑鼠，你又信不信？
其實這隻奇特的滑鼠，是由加拿大一間公司所設計，雖然睇落同一般的棍無太大分別，但用法就好似哈利波特支魔法棒一樣，只需單手拎住支棍，就用可以輕觸部分控制指標的移動，而棍上設有按鍵，來代替滑鼠上的左右鍵。雖然用家可能要從新適應使用方法，但對比傳統滑鼠，就算無枱都一樣用得，而毋須要滑鼠在大脾上游走，而電量方面，只需一粒 AAA 電池就用到幾個月。現時 Gestor 已在 Kickstarter 集資，早鳥版同平價限量版都賣完，最平要用 75 美元（約 $585 ）買，預計 6 月出貨。
來源：Kickstarter
