自從Pebble這隻智能手錶開創了集資神話，令人再次明白有創意就搵到錢這條硬道理，最重要是放上網後顧客群不再局限在一個地區或國家，自然激發到大家的無限創意。好次最新放上Kickstarter這個 磁浮盆栽 ，單是這些看似懸浮小星球的相，已經好想擁有，再加埋日本創作人製作用心的短片，認得不得之了，預備俾錢啦。
其實香港都有磁浮玩具，好似熱血童盟就曾經出過磁浮Ironman，另外仲有即將見街的磁浮回到未來車及星戰千歲鷹號。當做家居擺設，簡直型到裂。
今次這個 磁浮盆栽 就更加吸睛，因為兩位設計者Hoshi同埋Imayoshi先生，不單設計出不同造型的盆景植物，更在裡面加入磁力裝置，等棵植物可以好似連植物帶泥土浮起空中，自製天空之城都得。
基本磁浮套裝而家只需約港幣$1,560就買到，集資額已經達成，預計八月出貨，可惜只送日本、美國及加拿大，搵朋友幫手買先得。
