雖然現時已經少好多人打家機，但其實仍有不少人會儲，就算儲得不多，亦都會有一兩部機在家中備用。而在荷蘭的阿姆斯特丹，就有一間名為 Arcade Hotel，其實一睇到個名，就知這是一間以機迷為主打的酒店。現時這間 Arcade Hotel 共有 36 間房，包括單人、雙人、三人及四人房，甚至會在今年推出十人大房，每日同不同機迷鬥一番。
既然有遊戲機任玩，哪又有什麼選擇呢？其實可選擇的遊戲機都好多 Play Station 、 Xbox 等舊機都有，而遊戲亦都主打大路的足球 game 同賽車 game 等。雖然睇落一定唔會似遊戲機博物館一樣壯觀，但有一班志同道合的人有傾有講，應該都是另一種感覺。現時每晚最低租金為 75 歐元（約 $633 ）。
來源：tweakers
