為阻止偶像散 Band 去到盡經濟學家： SMAP 解散蝕 636 億！

日本天團 SMAP 解散傳聞炒到鬧哄哄， Fans 近日就出盡法寶阻止呢個悲劇發生，但勢估唔到，連日本經濟學家都「出手相助」。

日前， 71 歲關西大学嘅名譽教授宮本勝浩，就發文指經過佢細心嘅計算，若果 SMAP 解散，日本經濟損失會高達 636 億日元，淨計因為呢單嘢，佢哋出道 25 周年嘅節目完全停辦，就已經損失超過 120 億日元！嚴重影響日本 GDP ！嘩，真係講到 SMAP 叛國咁，唔怪之得，近日成員開始轉緊口風啦。