封胸惹的禍？綾瀨遙新劇《わたしを離さないで》收視只得 6.2%

日本電影金像獎（第 39 回日本アカデミー賞）今日公布成績，由綾瀨遙主演嘅《海街女孩日記》又再成為大贏家，四個女主角又再拎晒所有女演員獎項。

然而，得到「優秀主演女優賞」嘅綾瀨遙睇怕都幾難笑得出，事關佢嗰套新劇《わたしを離さないで》，星期五首播收視就只得 6.2% ，劇迷不單話睇完唔知套劇講乜之餘，仲話首集回憶劇情佔全集嘅九成。其中有幕綾瀨沖涼戲， cut 淨 Closeup 大頭，對腳只見到小腿以下，連香肩都見唔到，最後隔住塊磨沙玻璃嚟個上半身，磨沙玻璃透光度近乎零之餘，仲有個門框遮埋條腰，如此漠視宅男嘅「需要」，睇嚟收視仲有排跌。