Olympus 的復古相機系列可以說是一條成功的產品線，好似 OM-D 系列，五軸防震功能加埋復古外形，真是又影得又睇得。傳聞 Olympus 將會在月尾公布新的 PEN 系列成員，今次復刻的對象，是品牌的 PEN-F 系列 半格菲林機 ，機身設計首度曝光，好想擁有！
先講講Olympus的PEN-F 半格菲林機 ，最初是由日本人米谷美久提出，它的片幅為35mm的一半，一筒菲林就可以影到72張相，最終於1959年投產，雖然帶來新概念，但由於當時沖曬困難，所以未至於成為主流，但就深得攝影愛好者歡心。而從流出的數碼相機PEN-F可見，機身設計相當復古，雖然數碼化後已無所謂的半格菲林玩法，但單憑外形已好有睇頭。暫時所知，PEN-F採用2000萬像素感光元件，配備新的電子觀景器以及會配備兩支大光圈鏡頭，售價方面亦嚇人一跳，套裝機價接近萬二港元，究竟內裡還有什麼吸引元素，就要等月尾發布。
來源：Digicame
