自從有了 Viu 煲劇 app ，睇韓劇日劇終於有番繁體字幕。如果想在睡房睇大屏幕，未必一定要用電視，因為一個新推出的小型投影機 Sekonix Mini Ray ，掌心尺寸可以投出 60 吋畫面，完全不椏搾，放在睡房瞓住煲劇，好鬼爽。
其實 Mini Ray 的體積得 44 x 44 x 14mm，重 27g ，放落褲袋都不會有太大感覺，好易騰出空間擺部機。只要用 Android 或 Windows 手機下載專用 app ，用USB線直接連接手機及 Mini Ray ，即刻會輸出手機畫面，非常易用。機側有調校焦距按鈕，如果覺得畫面朦可以按掣調校。嘗試投影 60 吋畫面，由於解像度得 640 x 360 ，所以絕不可以靚來形容，但畫質可接受，字幕亦睇得清晰，煲劇一流。
Mini Ray 之可以如此袖珍，全因無內置電，一定要經手機取電，所以其實間中都會扯郁部機，尤其是用來打機的話，有點麻煩。不過部機超細，袋住出街就可以隨時隨地玩投影。
售價：$1,999
查詢：銀河通訊 8202 2098
