如果一個女士，走去問個男士有無睇過咸片， 而呢名男士答你：「無」， 除非呢條友極從來唔上網、 無男性朋友或者性冷感，否則我個人強烈建議你飛咗佢，因為佢一定係講‧大‧話！！！不過，而家唔係教你搵男友， 只係想話你知， 就算你男友只鍾意打 PS4 ，都好可能鍾意睇咸網！
呢單嘢並非我空口靠估， 有根據㗎！ 最近外國知名色情網就做個統計， 發現一班會用遊戲機去睇咸片的宅男……講錯，係紳士先啱…… 佔得最多的是一班玩 Playstation 的用家， 由 2014 年的 40% ， 上升到今年的 46.9% ， 至於你男朋友玩 Xbox 的話， 你都咪開心住， 因為都有 37.9% 人會用 Xbox 睇咸片。 咁究竟玩咩遊戲機的男人最少睇咸片？ 就係 Nintendo 3DS ， 原因好簡單， 開網站又唔方便，支援影片格式又少， 關網又網唔切， 個芒又唔大， 仲要隨時喺街比人睇到， 作為一個男性， 相信精神有問題先攞佢嚟睇！
來源：GameSpot
