好多車都開始使用智能系統，好似自動駕駛、投影擋風玻璃地圖等等，不過對於電單車司機，好似無太多智能系統?用。而最近在集資平台 indiegogo 上，就出現一個智能電單車頭盔 SKULLY AR-1 ，相信對於想一試智能系統對駕駛有幾方便的電單車司機，會是一大喜訊。
叫得做智能頭盔，當然要有顯示屏，其實在頭盔內，特別加入近似 Google Glass 的小型投射屏幕，用家可配合內置的 GPS 功能進行導航，亦可即時睇到車速，同時在頭盔外設有 180 度鏡頭，睇到盲點之餘仲可以當埋車 Cam 用。另外，內置藍互接駁手機，聽話話、串流聽歌都得。至於控制，當然就靠最方便的語音操作，講幾句就搞掂。售價方面，現為 1,499 美元（約 $11,692 ），寄香港就另加 99.99 美元（約 $780），大約萬二蚊先買到，做智能鐵騎代價都不少。
