如果有睇開網球賽事，都會發現好多手錶的的廣告出現。其中一個原因是睇得網球有幾一定身家，買錶只是濕濕碎。不過，講到成本效益，就一定搵代言人戴住最好，抺汗、發球都一定影到手，知名球手戴的更加賣斷市。不過，最近國際職業網球協會（ATP）公布，禁止球員戴例如Apple Watch等智能手錶出賽。
其實講到今年智能手錶當道，好多名錶的開始智能化，但 ATP 相反要求禁戴，唔通覺得智能錶太 cheap ，上唔到大枱？非也！最大原因是因為比賽期間一律禁止教練或其他人士教路，所以選手都不可以戴通訊設備在身，而智能錶當然不例外，相信要在網球比賽見到智能錶，等多幾年都未必會有。
