愈來愈多智能手錶面世，不過對於用家來講，最期待都應該是由錶廠出的智能手錶。而在今年 CES 上， Casio 終於發布首款 Android Wear 智能手錶 WSD-F10 。雖然設計上，並不算太突出，但其實硬件及功能都比現時所見的智能手錶要強，絕對是今年上半年必買之選！
講到必買喎，首先當然要數功能先，第一是通過 MIL-STD-810G 美國軍方認証，耐撞、耐壓、防水全部都得，甚至連凍結隻錶都頂得住。而防水達到 50 米，游水都無問題。其次是有齊壓力感應、動態感應、方向感應等，內置測氣壓、海拔、電子指南指等多種功能，戶外行山、跑街都好啱用。而最重要是錶介面重新設計，想似 G-Shock 定同廠指針錶，換個介面就掂。
有賣點，當然亦都有缺點，同其他的智能手錶都有同一個死症，就是電量，如果將所有功能開齊，官方話可以用到一日，都幾短。不過，好在仲有時時間模式，即是只會顯示時間，其他功能全部關上，最多可以用到一個月。咁多功能加埋 Casio 個名，隻錶咪好貴？現時定價為 500 美元（約 $3,900 ），老實講，現時智能手錶動不動都要二千幾蚊，比多少少買 Casio 加 Android Wear ，我覺得諗得過。至於隻錶會在三月下旬日本開賣，想追？請定假飛過日本啦！
來源：Casio
