日本超索模菜菜緒，近年轉戰電影同電視圈，但風評似乎麻麻，尤其剛剛播完嗰套由佢擔正嘅《 Siren 》，劇中演惡女嘅佢，雖然有不少性感場面，都無力挽救超爛嘅劇本，收視自然同一直插水，套劇後半截仲去到人唔鬧狗都吠嘅境地。
但面對負評，菜菜緒一於少理，繼續大騷身材……演技，噚日上咗節目《 痛快TV スカッとジャパン 》，喺節目短劇度扮冷艷女教師，點樣鼓勵班學生力爭好成績。
勢估唔到，佢嘅身材……又講錯，係演技，竟然得到好多觀眾認同，粉絲狗衝去佢嘅 Instagram 度留言大讚，話睇到眼濕濕，好想俾佢「指導」一下喎。
來源：Techinsight
