日本女星佐佐木希上年十月，被傳同搞笑藝人渡部建分手後，曾經喺公開場合話自己好 Dry ，好恨結婚，唔知係咪佢真係太 Dry 、太寂寞，噚日有雜誌就影到佢去咗高級酒吧度飲嘢，仲飲到好醉。而呢間吧出晒名好多現役捧球手，經理級人士出入，完全暗示直射佢想去釣金龜。
但重點其實唔係呢度，班狗仔隊唔知係咪索料索到 High 咗，竟然喺吧嘅旁邊間食店，影到 80 年代艷星、 65 歲日本美魔女由美かおる，同 69 歲嘅數學家秋山仁拍拖，據食店發言人話「兩老」已經同居咗 3 年，經常嚟幫襯，仲話唔講唔知，兩老原來咁有名添！
來源：Asagei Plus
