閃婚危機依然持續 堀北真希 又要曬恩愛

講咗 N 次，全宇宙都無人睇好日本女星堀北真希同花花公子山本耕史段婚姻，近日又有日媒趁年尾進行大預測，貼佢哋會係明年最快離婚嘅一對。

堀北有無嬲到震就唔知。不過，噚日佢出席電視台綜藝節目《今夜くらべてみましたSP》時，當主持人甫開始問到佢哋新婚生活時，堀北又再交足戲曬出一副冧樣，仲話非常開心好玩。但今次同以往唔同嘅係，出名新婚後狂做家務嘅堀北臨尾就補咗句，指責自己無專注做個家庭主婦。放心，不知幾多宅男劇迷傳媒朋友同粉絲，都唔想你盡主婦責任。甚至，幻想同你出軌添。

來源：modelpress