正常大部分生產商都開始放棄或者合併旗下的手提電腦生產線之際，似乎韓國 Samsung 並未因此而放棄。有消息指最近出現一張 Samsung 電腦的宣傳單張，提到將會有一部採用 13.3 吋屏幕、厚度只得 13mm 的notebook出現，而新機將會在 CES 上現身。
其實單睇屏幕之後，讀者們都好自然會同 MacBook Air 聯想起，的而且確，兩者確實在規格上有相似。新機型號傳聞為 Ativ Book 9 Lite ，除了以上提及的規格之外，重量只得 860g ，相比13 吋的 Macbook Air 都要 1.35kg ，似乎更具優勢。值得留意的是，除了一般的全高清顯示型號外，亦會推出 3200 x 1800 像素的高階機，但估計售價隨時貴過 Macbook Air ，俾你，又會點揀？
來源：liliputing
