最近尿袋（即外置充電器）發生的問題都幾多，好似昨天就漏電引起火警，網上亦瘋傳日本 DMM 推出具有拍攝功能的偷拍尿袋。不過， DMM 不寄香港，入手難度大增，正當女士們以為可放下心頭大石之際，原來 Amazon 都有賣另一款偷拍尿袋，而且仲有移動偵測功能，令你防不勝防。
其實講到這個在 Amazon 出售的偷拍尿袋，外型明顯無日本推出的「靚仔」，甚至有大陸山寨貨feel，不過功能就相當「強」，除了拍到 720p 影片之外，仲可以插 microSD 記憶卡，仲要有埋移動偵測功能，即是有人行過，就會自動拍片，連襟掣都慳返。最得人驚的是部機的鏡頭用充電插頭去偽裝，唔細心睇都幾易中招。總之都講呢句：偷拍不雅相片或影片會構成刑事罪行，切勿以身示法！
