03 年拍《美少女戰士》真人版出身嘅北川景子，雖然現今已貴為日本女神，但都無因紅咗就唔識人，多年來佢同班「戰友」都仲好 Friend 。好似噚日 sailor jupiter 安座間美優生日，五名成員又再集合同壽星女慶祝，而安座間都好識做，喺自己 Twitter Po 合照之餘，仲留言話成員十幾年都仲 Keep 到咁好感情，真係不可思議。
據知，呢個「戰士會」成員無論幾忙都好，每個月都例必會聚一聚。難怪網民睇完就大讚，話北川好重感情，仲話覺得五名成員係「最強最高の 5 人」。
來源：クランクイン！
