日本男團嵐日前在東京巨蛋舉行聖誕騷，原來 24 日當日，是他們在該場地迎來第 1000 萬名觀眾，大會更公布他們以 17 年時間達成該觀眾數目，打破由師兄 SMAP 以 20 年才達成的最快紀錄。
不過，對於打破師兄紀錄，班成員就有啲唏噓，櫻井翔表示其實多年來也有唔滿座嘅時候。而松本潤就話根本想像唔到，而家達到呢個紀錄就覺得好厲害。其實，又唔使咁唏噓嘅，今時今日，你哋開騷又點會唔爆？唔講遠，今年你哋喺宮城縣開騷，就搞到人哋成個縣嘅旅館加價兩成，有啲民宿甚至玩到夜晚十點就關門大吉，唔接待遊客添。
來源：Sanspo.com
