《星球大戰：原力醒覺》上星期首映，到而家都仲場場爆，不過作為星戰迷，當然一早撲飛睇。睇完之後，你可能會覺得睇一次未夠喉，準備買飛再睇多次，或者等 DVD 出再睇過。不過，最近美國就有人舉辦場星戰電影馬拉松，有人竟然可以睇足 46 小時，忍真利害。
其實今次舉辦的是 Alamo Drafthouse 戲院，玩法好簡單，就是連續睇晒之前星戰一至六集之後，再睇埋最新的《星球大戰：原力醒覺》，不過之後就會不停重播《星球大戰：原力醒覺》，直至你叫停為止。而美國人 Jim Barden 最後足足睇了 46 小時，《星球大戰：原力醒覺》都睇了九次先先離開，可以堅持如此長時間，除了本身是星戰粉之外，更重要是每 6 小時一杯齋啡、香口膠同檸檬幫手，你又敢不敢在家中向他挑戰？
來源：Daily Mail
