現時相機功能愈來愈強，要測試相機的真正能力，無所不用其極，老實講，影下車、拍下子彈都未必吸引到人睇，反而最近就有一間英國公司 Speed Motion Films ，就將 DJI 航拍機變成攪拌機，而且香腸、雞旦、提子等全部無人幸免，為的就是 sell 部新相機慢鏡有幾勁。
其實今次玩法好簡單，只不過是在個大草地開住部航拍機，之後就不停放食物由上面放落去，再利用機翼將食物打到支離破碎。而事實証明，部四槳的航拍機都好夠力，足以將食物打到水花四濺。至於部機就由 Vision 科技中心開發的 Phantom Miro ，能夠拍到每秒 1500 幅超高速影像，售價大約 6 萬美元（約 47 萬港元），還是睇部航拍機點切食物算。
