綾瀨遙 貼身賣平板|搵埋海女硬銷防水

綾瀨遙 這位廣告女王，每次拍廣告都會掀起話題，雖然大家都知她身裁好，但就算收起來，都會被她的可愛表情吸引。不過，最近 綾瀨遙 為Panasonic的新平板電腦Vera拍廣告，就著住條貼身裙玩水，玲瓏浮凸身裁睇見都開心，再加上今次搵埋三重縣的海女中川静香賣廣告硬銷塊平板的防水功能，話題性大增。

雖然今次塊Vera新平板都有防水功能，但此防水不同彼防水，除了可以俾 綾瀨遙 掉落浴缸，仲可以讓她唧到成機茄汁同芥辣，之後再用洗潔精直接清洗都得，不怕拎入廚房搞到部機又油又膩。今次廣告仲有三重縣海女中川静香出場，sell防水喎，海女日日都要落水，肯定是最佳拍檔啦。