好玩唔玩？吉高由里子貼BB超聲波照嚇壞粉絲

日本女星吉高由里子，雖然經常被嘲係「肉食女」，誇張到話對象係公嘅都照樣推倒，但佢嗰種外表斯文，內裏 Open 都不知幾多宅男夢寐以求。

不過，吉高唔知係咪玩到傻咗，噚日失驚無神喺 Twitter 度 Po 咗張貽兒嘅超聲波照，仲超有意境咁作咗首詩。隨即引爆咗班粉絲，不單有人留言問個 B 邊個係經手人，仲有人話完全接受唔到偶像未婚先孕。之後，吉高雖然未有任何回復，但細心嘅網友就按首詩嘅意思解讀吉高只係想抒發下人間有愛，同佢活在愛中好幸福。

喂，大佬，唔好搵啲關公災難嚟玩啦，嚇到個心離一離呀。