電訊商開記者會，通常都會講明年策略，除了話自己擴大網絡覆蓋範圍、接收能力好幾多，當然都會講下年針對邊個市場比較多，月費價格調整等等。不過，今年中移動開的記者會，就講多咗少少，就是近期即將推出的新機，而Huawei 、Meizu 、 Samsung 都有份，仲有齊價位，四月就見街。
其實今次雖然並無提供任何產品名，只得生產商名，但其實一睇就大約估到邊部。好似 Meizu 應該會推出 Pro 5 mini 版，消息指下年年頭就會有發布會。至於 Huawei 方面，將會推出 P9 的後繼版，屏幕會加大到 6.2 吋 2K 顯示及 4GB RAM ，型號估計是 P9 Max。至於 Samsung 方面，以中移動爆出的價錢來看，最大機會是 Samsung S7 ，傳聞採用 5.1 吋 2560 x 1440 像素屏幕及 4GB RAM ，同時亦改用 USB Type-C 插頭。想換機？點都要等到四月先換！
來源：驅動之家
