國內的老翻能力一向出色，而其創意亦都可以話全世界第一，就好似要制作一部同 iPhone 一模一樣的手機，絕對無難度（只係講外形），甚至要造一部同 iPhone 一樣的風筒，都絕對無問題。至於今次受害者，就是寳馬，但仿的不是車，而是車匙，而且仲要放大變成部電話，問你服未。
當然，要仿都要有「理論基礎」先會仿（即係仿完賺唔賺到錢先！），寳馬 7 系一向是貴價智能車，而使用的車匙亦都可以控制到車的大部分功能，仲要有埋 2.2 吋屏幕，自然有不少人會想擁有。不過，部車話晒百幾萬先買到，老翻就幾百蚊有交易。而睇樣，應該都是 feature Phone 一部，睇唔出同智能有什麼關係，幾百蚊貨仔，個樣有得你威都算啦，仲要功能咩？
來源：微博（Palm大叔）
