每年去到呢個時候，又是搜尋網站公布今年最多人搜尋的關鍵字成積表。講到最大型的搜尋器，Google 一定是首選，而今年香港 Google 年度搜尋榜的成績表已經出爐，有幾多個字你有份搜尋過？
1. 最熱爆搜尋關鍵字 No.1：iPhone 6s
結果都完全預計得到，不過如果下年無得再炒 iPhone 6s ，唔知結果仲會唔會一樣？
2. 最熱爆搜尋關鍵字 No.2：How-Old.net
熱爆一時的網站 How-Old.net ，根據上傳的相片自動判斷年齡，在 facebook 及討論區成為一時熱話，更有不少女性因此打爆電腦同踩爆手機（？）。
3. 熱爆關鍵字手機搜尋排行榜 No.1 ：鄭子誠
洪厚聲線和完美奸人形象深入民心，最近又現身 100毛電視而被受追捧，仲有男人的浪漫，豆腐火腩飯，你仲唔蠃晒咩。
4. 熱爆的本地時事人物 No.1 ：梁齊昕
除了因為他是特首個女，更加因為佢出位的言行，同埋有個口不擇言的阿媽，三者互相配合，先有今日嘅成就，所以話阿媽角色幾重要。
5. 最常被搜尋的來電號碼：3900 5944
鑑於騙案多，有唔識的來電，當然會搜一搜有無重要性，而最常被搜就是以上號碼，唔知打去會唔會有人聽呢？
6. 香港人最常查找英文翻譯的單字排行榜：羊年、水貨客、波多野結衣
有外國人睇唔明中文，要用轉返做英文，其實都唔出奇，奇就奇在超級女神波多野結衣都有份，今次唔通真係要面向世界了？
