雖然香港並非處於地震帶，不過在外國，地震所帶來的恐懼，非筆墨所能形容。而最近國內就有人發明防地震床，一聽個名，會以為張床有防震效果，但國內強人的思維模式又點會咁簡單，其實是一個鐵棺材同床的混合體！
其實這張防地震床，早在 2010 年已經註冊專利，睇外形，會以為是一張香港常見食埋窗台位的高床，但其實下是放置一個大鐵箱，只要一感到地震，床褥、被鋪同人都會一齊跌到鐵箱入面，並自動合上蓋，確保地震引致的石屎、天花等跌下來，你都不會有任何損傷。而在大鐵箱內亦可放置日常必需品，足幾維持幾日，有足夠時間等待救援。
不過，報導並無提及點先會觸發機關，如果在床上進行激烈性運動又會點？如果有兩個人同時瞓在床上，又能否同時跌入箱而不會俾門夾住？不過，睇段片都知，好多都只不過是概念，想有實物出？睇怕都要等到 2036 年先有。
