40 歲日本女星米倉涼子舊年 12 月閃嫁細佢兩年嘅公司社長，唔夠幾個月就話被老公施暴玩離婚，連累佢嘅事務所要告急救亡。日前，米倉正式宣布已回復單身，仲話嚟緊會專心工作。
不過，昨日就有媒體就勁爆內幕，除咗話米倉為離婚，使咗勁多賠償金外，仲話米倉離婚後，為咗挽回走下坡嘅事業，嚟緊會作出極限性感。雜誌最爆就係話，米倉喺搞離婚期間，密密咁「鍛鍊肉體」，令到身材更加 Fit 爆，睇落似 20 歲多過實際年齡。今次米倉性感回歸，班「睇肉家」肯肯定係最終得益者。
來源：リアルライブ
米倉涼子 離婚爆乳回歸
