由 Rocksteady Studios 開發的遊戲《 Batman: Arkham Knight 》，除了畫面吸引之外，入面的蝙蝠車亦都好型。不過，始終並非電影作品，玩具有排都未有，呢個時候，當然要搵萬能嘅 Lego 神出場！最近就有一個 Lego 達人，將這部型車重玩，而且仲跟足遊戲入面，可以變埋形，認真誇張。
其實今次砌出這部車的人，名叫 Hasan Kabalak，是一名 Lego Ideas 創意項目成員，首先設計上已經花費三個月時間，之後仲要用多一個月先搜集齊所需要的配件，反而砌的時間，只需要兩星期。而這部模型長大約 52cm ，總共使用 4640 塊 Lego ，而用得多，表示可動關節亦都多，所以變埋形都無問題，睇完相，只能用個「勁」字去形容！
來源：technabob
