日本女團 AKB48 總監督高橋南畢業在即，噚日佢就公布咗嚟緊24號，將會推出半自傳《 リーダー論 》( Leader 論)。喺書入面，高橋會講述佢由 14 歲加入 AKB48 開始，直至 10 年後今時今日領導 300 人嘅點滴。
佢仲特別提到， 06 年時第一次單獨企 Center 推出首《 桜の花びらたち 》事件，佢話當年對自己歌、舞都沒有自信，之後睇住自己年年輸俾前田敦子時，曾經一度充滿迷茫。不過，幸好佢深受格言「努力之下必有所報」影響，憑住「努力」最終都捱到出頭天。咁有正能量，真係睇到班 Fans 眼濕濕。
來源：Oricon Style
