日本超超超長壽綜藝節目《 SMAP×SMAP 》噚晚請嚟《 朝 5 晚 9 》嘅一班演員做嘉賓。節目上，中居正廣講笑咁問女主角石原里美，會唔會好似劇中角色咁嚮往美國生活，同有無留戀紐約？旁邊速水直道突然搶答，「我想跟埋一齊去！」令到全場突然一窒，好難唔令人聯想到有「小惡魔」之稱嘅石原，已經「搞掂」咗速水。
之後話題轉到幾時試過對某人一見鍾情時，近年飽受批評嘅石原，今次終於識做直接答唔相信一見鍾情，仲話本身好難去愛上一個人喎。嗯，真係無乜人信囉。不過，真又好、假又好，好多宅男對你一見鍾情就係不爭嘅現實。u4get copyright u4get copyright u4get copyright u4get copyright u4get copyright u4get copyright u4get copyright u4get copyright u4get copyright
節目尾， SMAP 五子就同咗樂隊 back number 夾咗首主題曲《 クリスマスソング 》（聖誕歌）同《 高嶺の花子さん 》，個 Background 襯到絕一絕，係女都俾佢哋冧到暈。
來源：クランクイン!
