講起日本寫真，係人都諗起水著 Model 、明星、 AKB48 ……但點都估唔到，今日日本 Oricon 公布咗 2015 年度寫真集銷量榜，全年最賣得嘅寫真集……竟然係男團嵐嘅大野智，佢本畫集連影緊佢畫畫嘅寫真集，全日本竟然賣咗 17 萬本，足足比第二位嘅 AKB48 小嶋陽菜多近 6 萬本！日本人嘅口味，香港仔真係識條鐵！
睇番成個榜，頭十位 AKB48 現任、前成員及同公司加加埋埋都霸咗六個，第三位嘅山本彩繼續「二奶命」，又再次輸咗陽菜。不過，最估唔到就係第七位嘅詩步本《 死ぬまでに行きたい!世界の絶景 日本編 》（拚死也要去的世界絕景 日本編），呢位 90 少女喺寫真集度，唔賣比堅尼、唔 Sell 氣質，連樣都唔見，純風景都賣到六萬七本咁多！
來源：ORICON STYLE
