Leica上星期剛在香港公布了全片幅換鏡機Leica SL，新加入的全自動對焦、4K拍片及高速連拍功能，令影相變得容易，更多攝影人士可以加入體驗Leica的靚相質素。而最近網上又有新Leica相機的外形相流出，今次連三防機都玩埋，推出 Leica防水機 X-U Type 113，以後Leica迷就可以將相機帶埋去潛水啦。
這部新流出的 Leica防水機 ，代號為X-U Type 113，U字代表Underwater，傳聞有15m防水深效能，以及1.22m抗跌能力，非常適合拎去戶外運動，減低跌爛相機風險。搭配一支35mm f1.7光圈鏡頭，支援手動對焦，鏡頭前亦設有閃燈，拍攝構圖時更加靈活。這部 Leica防水機 由德國製造，預計今年年尾前公布，Leica迷要拭目以待。
來源：Leica Rumors
