有村架純 Po 相即爆 Like

日本女星有村架純上緊位係人都知，但估唔到佢喺日本真係紅到癲，好似噚日佢拍完富士電視台「九 9 」劇《當想起這段戀情一定會流淚》嘅北海道外景後，喺 Twitter 度 Po 咗張同男主角高良健吾食海鮮飯嘅相。張相完全唔特別之餘，仲有少少 Out Focus ，竟然一夜之間爆咗近十萬個 Like ，7 百個粉絲仲留言大讚佢好可愛，又話好想做佢手上隻蟹…...腳！

事實上，當電視台公布有村話拍呢套劇，又會去北海道拍外景時，班 Fans 已經不停咁喺 Twitter 上報告佢行縱，甚至上前興奮同佢握手。

忍唔住嘆句：Fans 嘅嘢，真係識條鐵咩！

來源：クランクイン!