我諗每個男人心裡面都有一個黃翠如，呀，唔係，係日本女神。但今日日本有媒體，就拎咗七個現役嘅女星嚟逐個點評，但就唔係讚佢哋貌如天仙、智慧並重，而係大彈突彈到幾乎睇到張相都想打爆個芒！
篇報道一開始就拎桐谷美玲嚟開拖，話呢個獲美國《 TC Candler 》選為「 2014 年度全球最靚藝人」第 8 位嘅靚女，個額頭好「複雜」，暗示佢髮線愈來愈高，話佢獲獎之後已經唔敢再露額頭。
之後，篇嘢就係咁發炮，先指 model 兼藝人土屋太鳳笑得樣衰，又嘲乃木坂嘅白石麻衣塊面肥，頭髮點遮都遮唔住，連新生代橋本環奈都遭殃，話佢把聲爛到「枯萎」，聽到都要慘叫！
不過，都唔夠彈新垣結衣咁誇張，指出名皮膚靚、素顏都好得嘅新垣，唔知係咪搽得化妝品、護膚品太多，皮膚都變白晒，唔知點解咁多人讚佢。之後，仲話 27 歲嘅佢，竟然仲有得高，去年仲因此成為話題。
嗯，寫嗰個係咪食得太多葡萄我唔知，但係好肯定得罪晒整個宅男界喇。
來源：Asagei Plus
