日本的年青一輩已經無上一代如此喜歡賽馬，為吸引更多人參與，所以每年日本賽馬協會JRA都會同日本動漫遊戲界合作，推出crossover主題網上遊戲。之前就試過同進擊的巨人合作，而今次就搵來Street Fighters幫手，等一眾街霸戰士可以同真實相撲手，來一次 馬上瘋對決 。
其實今次之所以同Street Fighters搞 馬上瘋對決 ，全因即將在十一月尾舉行的Japan Sumo Cup相撲盃。就算無玩賽馬，一提起相撲都會知E.Honda是誰，所以今次相撲盃先會搵番第二代街霸人物出手。網上遊戲玩法好簡單，首先從三位真實的橫綱級相撲手中選出一名出戰，然後再揀對戰街霸人物就可以開始，只要跟住畫面上的箭咀按掣，累積連打數就會贏，途中可以睇到街霸人物在馬上施展成名絕招，悶悶哋拿來kill time都不錯。
來源：JRA
