無人機近年大受歡迎，好多人都鐘意玩航拍，又可以有玩模型飛機的快感，但又滿足到拍攝特別角度相 / 影片的愛好。不過，無人機又點止一個功能，仲有千千萬萬個功能未被發掘！點解咁講？因為最近 IBM 有人就利用無人機來打桌球，問你怕未！
由提供的資料中可以睇到，今次用無人機玩桌球的硬件，除了無人機之外，仲有多組的 Kinect 鏡頭，主要用作感覺乒乓波的動向同速度，之後再為無人機提供數據，並利用飛機上的「球拍」，將乒乓波打回去，不過，現時無人機的接球能力，其實並不算太好，要準確能打到乒乓波，應該仲有一段時間開發先得。
