又到聖誕節，睇燈飾影聖誕樹可以說是指定動作。不過年年都做同樣活動，似乎太悶，想有點新意，不妨去商場玩由 星之子陳易希 設計的互動聖誕樹燈飾啦。
由 星之子陳易希 設計的互動聖誕樹燈飾，其實是同港鐵旗下三個商場的合作項目，只要去到青衣城、德福廣場或將軍澳Popcorn，就可下載「聖誕之旅@MTR Malls」手機專用app，去控制聖誕樹變色。不過，由於要用藍牙連接，所以控制距離必須在20米內，而且要同其他人搶入線時間，一入到線就會有20秒時間控制。陳易希說為了讓更多人參與，除了有時間限制，只部手機連接後，必須相隔5分鐘先可再次登錄，不怕被人長期霸住玩。
「聖誕之旅@MTR Malls」手機專用app除了可以轉燈色，仲有相簿製作、填色等適合小朋友玩的功能，Android版已可在Google Play下載，iOS版就要等Apple審批完先可在App Store上架。
